អំបៅអំបែកត្រចៀក
ជាជំងឺមួយរ៉ាំរ៉ៃដេលវិវត្ពីក្រោយការរលាកស្រួចស្រាវរបស់ត្រចៀកកណ្ដាលដែលមិនបានព្យាបាលឲ្យបានជាសះស្បើយត្រឹមត្រូវ។វាគ៏អាចជាផលវិបាកពីការដាច់ក្រដាសត្រចៀកដោយគ្រោះថ្នាក់ផ្សេងៗដែលមិនបានព្យាបាលជាសះស្បើយ។
មូលហេតុទី១ដំបូង ជាកត្តាចម្បងដែលបណ្ដាលឲ្យកើតមាននូវអំប៉ៅអំបែក។
ជំងឺនេះគេច្រើនសង្កេតឃើញមាននៅប្រទេសកំពង់អភិវឌ្ឍ។ ទស្សនៈដែលថាអំបៅអំបែកកើតមកពីទឹកចូលត្រចៀកគឺមិនត្រឹមត្រូវ។ ពោលគឺនៅពេលក្រដាសមិនដាច ហើយបើមានទឹកចូលប្រាកដណាស់ថាមិនអាចកើតអំបៅអំបែកបានទេ។ចំពោះអំបៅអំបែកដែលសម្ងំ(អសកម្ម)អាចលាប់ឡើងវិញ នៅពេលមានទឹកចូល ផ្ដាសសាយ ឬទាស់ចំណីផ្សេងៗ ដូចជា ចំណីសមុទ្រ ប្រហុក ទឹកត្រី ទំពាំង ។ល។
រោគសញ្ញានិងសញ្ញា៖
- ខ្ទុះហូរចេញពីត្រចៀកដែលឈឺម្ដងម្កាលឬអាចហូរសឹងតែប្រចាំ
- មិនមានការឈឺចាប់អ្វីគួរកត់សំគាល់នោះទេ តែបើមានវាអាចជាសញ្ញាមួយដែលគួរយកចិត្តទុកដាក់
- ការស្ដាប់មានការថយចុះ ទៅតាមទំហំដាចតូចឬធំរបស់ក្រដាសត្រចៀក តាមការបាត់បង់កូនឆ្អឹងតូចៗក្នុងត្រចៀក តាមពេលវេលានៃការរលាក
- បើពិនិត្យត្រចៀកគេសង្កេតឃើញក្រដាសត្រចៀកដាចមានទំហំតូចឬធំទៅតាមការវិវត្តរបស់វា មានសំណើមបែបខ្ទុះ ខ្ទុះរាវឬខាប់ អាចមានឫសដូងក្នុងរន្ធត្រចៀក(aural polyp)ថែមទៀតផង
- បើខ្ទុះដែលមានក្លិនស្អុយដូចកណ្ដុរងាប់ជាសញ្ញាប្រភេទដែលអាចមានផលវិបាកឌេលអាចមកពី Cholesteatoma
មេរោគបង្ក៖
- Pseudomonas aeruginosa
- Staphylococcus aureus
- Proteus
ប្រភេទ៖
- ប្រភេទសាមញ្ញ មិនមានការវិវត្តទៅមានផលវិបាកអ្វីទាំងអស់
- ប្រភេទមានផលវិបាកពោលគេហៅថាអំបៅអំបែកដែលមាន(cholesteatoma) វាអាចបណ្ដាលឲ្យមានផលវិបាកច្រើនដូចជា៖
- វៀចមុខម្ខាងដោយមានការប៉ះពាល់ដល់សសៃញោចទី៧ (facial nerve)
- រលាកឆ្អឹងmastoid (mastoiditis)
- រលាកឡាប៊ីរាំងក្នុង (suppurative labyrinthitis)
- រលាកស្រោមខួរក្បាល (meningitis)
- អាប់សែខួរក្បាល (brain abscess)
ការការពារនិងការព្យាបាល៖
- ក្នុងប្រភេទសាមញ្ញគេព្យាបាលវា រួចហើយនៅពេលស្ងួតល្អ គេអាចប៉ះក្រដាសត្រចៀកឡើងវីញបាន។
- ចំពោះប្រភេទដែលមានផលវិបាកវិញ គេព្យាបាលដោយការវះកាត់សំអាត cholesteatoma រួចហើយគេអាចធ្វើការប៉ះប៉ុនក្រដាសត្រចៀកឡើងវិញបានដែរ តែលទ្ធផលវាអាស្រ័យលើ cholesteatoma មានទំហំតូចឬធំ និងភាពស្ទាត់ជំណាញរបស់គ្រូពេទ្យវះកាត់។
ឯកសារយោង៖
- Current Diagnosis & Treatment, OTOLARYNGOLOGY, Head and Neck surgery Anil K. LALWANI
- Practical Otology, Daniel J. Pender