ជំងឺថ្លង់ដែលបណ្ដាលមកពីត្រចៀកក្នុង (Sensorineural Hearing Loss =SNHL)
ជំងឺថ្លង់ប្រភេទនេះជាការថ្លង់បណ្ដាលមកពីការប៉ះពាល់ឬការខូចរបស់ត្រចៀកក្នុងដែលមានមុខងារសំខាន់ក្នុងការស្ដាប់ឮនិងយល់បាននូវសម្លេង។សូមបញ្ជាក់ឲ្យបានច្បាស់ថាការស្ដាប់ឮតែមួយមុខវាមិនគ្រប់គ្រាន់ក្នុងការស្ដាប់បាននូវភាសានោះទេ លុះត្រាតែសម្លេងដែលឮហើយត្រូវបំប្លែងនៅក្នុងមណ្ឌលកណ្ដាលនៃភាសាទើបអាចយល់បាននូវ ពាក្យ ប្រយោគ និង ភាសាបាន។ ដូចជាករណីខ្លះអ្នកជំងឺគាត់បានសួរថាគាត់បានឮសម្លេងហេតុដូចម្ដេចបានជាគាត់ស្ដាប់មិនបាន?។ នេះមកពីត្រចៀកក្នុងរបស់គាត់មានបញ្ហាម្ខាងឬទាំង២ខាង។
មូលហេតុចំបងៗដែលបណ្ដាលឲ្យមានជំងឺថ្លង់នេះមានជាអាទិ៍៖
- ជំងឺថ្លង់តាមអាយុ ភាគច្រើនចាប់ពីអាយុ៥០ឡើង
- ជំងឺថ្លង់បណ្ដាលមកពីប៉ះពាល់ឬប្រឈមនឹងសម្លេងខ្លាំងឬរយៈពេលយូរ
- ជំងឺថ្លង់បណ្ដាលមកពីការប្រើថ្នាំដែលអាចឲ្យប៉ះពាល់ត្រចៀកក្នុង
- ជំងឺ Menière (វិលមុខ ហ៊ឹងត្រចៀក ណែនត្រចៀក ការស្ដាប់ចុះខ្សោយ)
- ការរលាកត្រចៀកក្នុងដោយវីរុស ដោយមេរោគ
- គ្រោះថ្នាក់ដែលបណ្ដាលឲ្យប្រេះស្រាំឆ្អឹង Temporal ជាឆ្អឹងដែលនៅក្នុងនោះមានត្រចៀកក្រៅ កណ្ដាល និង ក្នុង
- ត្រចៀកក្នុងដែលមានលក្ខណៈមិនគ្រប់គ្រាន់ពីកំណើត ។ល។
ចំណាត់ថ្នាក់នៃការបាត់បង់ ចំណាត់កំរិនៃការថ្លង់ដែលបណ្ដាលមកពីត្រចៀកក្រៅនិងត្រចៀកកណ្ដាលមួយបែបហៅថា (Conductive Hearing Loss=CHL) ការថ្លង់ដែលបណ្ដាលពីត្រចៀកក្នុងមួយបែបហៅថា (Sensi-Neural Hearing Loss= SNHL)
ចំណែកប្រភេទចម្រុះ(Mix Hearing Loss)គឺចការថ្លង់របស់ប្រព័ន្ធត្រចៀកកណ្ដាលរួមនិងប្រព័ន្ធត្រចៀកក្នុង។ឧទាហរណ៍ ការថ្លង់ចំពោះអ្នកមានជំងឺអំបៅអំបែករួមនិងជំងឺថ្ងង់មនុស្សចាស់។
សូមមើលអត្ថបទ៖
. ជំងឺថ្លងដែលបណ្ដាលមកពីត្រចៀកក្រៅនិងកណ្ដាល
ឯកសារយោង៖
Otolaryngology, The Essentials,
Allen M Seiden, Thomas A. Tami